РИМ – БОЖИЌЕН БАЗАР (02.12 – 05.12.2023)

Пристигнување на скопскиот аеродром во 10:45 часот. Полетување за Рим во 12:45 часот. Слетување во Рим во 14:30 часот. Трансфер до хотелот со попатен двочасовен панорамски разглед на градот , Порта Маџоре, Св. Петар и Павле, кејот на реката Тибар, Св.Петар,плоштадот Дел Пополо. Сместување во хотел. Во вечерните часови прошетка со пратителот на групата во центарот на градот, плоштадот Навона,  каде ќе ја почувствувате прдновогодишната атмосфера од прекрасниот Божиќен Маркет. Индивидуално враќање во хотел. Ноќевање.

Појадок во хотел. По појадокот предлог факултативна посета на Ватикан (превоз со метро), – Ватиканските музеи и Систинската капела. При посетата на музеите ќе имате можност да ги видите најзначајните збирки дела: збирката на антички статуи, салата со таписерии и географските мапи од 16 – ти век, салата со канделабри, како и собите кои ги насликал Рафаело. Посебно се истакнува Систинската капела со делата на Перуџина, Ботичели и други светски познати сликари. Во времето од 1508 година до 1511 година Микеланџело Буонароти го насликал таванот со теми од Стариот завет за да околу 30 – тина години подоцна како тема за просторот над олтарот го избрал Страшниот Суд. Прошетката на Ватикан завршува со посета на прекрасниот плоштад кој бил уреден од Бернини – најзначајниот уметник на италијанскиот барок. Слободно време па следува организиран  разглед на градот со локален водич (пеш и метро), разглед на Пиаца Навона, Пантеон, Фонтана ди Треви, Шпанските скали, шопинг улиците (Виа Кондоти, Виа Дел Корсо), Пиаца Пополо. Слободно време за индивидуални активности. Враќање во хотел. Ноќевање.

Појадок во хотел. Наш предлог за денес е посета на  една од најголемите знаменитости и атракции во Рим – Колосеумот, лоциран до дворецот на Нерон “Domus Aurea”, кој бил најголемиот амфитеатар во Римската Империја. Овде е и црквата Сан Клементе, каде се наоѓа гробот на Св. Кирил (влез со доплата).Потоа се упатуваме кон Римскиот форум, Константиновата Арка, Циркус Максимус , Плоштад Венеција. По завршување на факултативниот разглед на античкиот Рим имате слободно време за индивидуални прошетки и повторна посета на Божиќниот маркет.Враќање во хотел. Ноќевање.

Појадок во хотел и одјавување од собите. Следува трансфер до аеродром. Полетување за Скопје во 15:05ч. Слетување во 16:50ч.

Разглед на Рим со локален водич

Цена за пакет: 20 е

Факултативна посета на Ватикан и Систинската капела (влезница + локален водич)

Цена за пакет: 60 е

Факултативна посета на Колосеум и Римските форуми со локален водич

Цена за пакет: 60 е