Раденци – Оаза на здравјето и релаксацијата

Состанок на групата пред деловните простории на АНА ТУРС во попладневните часови во 18 часот. Поаѓање  кон Словенија преку Србија и Хрватска.Попатни одмори и царински формалности. Ноќно возење

Пристигнување во Раденци во претпладневните часови. Сместување во хотелот Radin 4*. Слободно време за користење  и неограничено капење во внатрешни и надворешни базени.Користење на Светот на сауни.Можност за користење на програмата со минерална вода Раденска.Вечера.Ноќевање.

Појадок.Факултативна целодневна екскурзија до Грац, главниот град на покраината Штаерска и еден од најубавите и најживописни градови во Австрија, сместен на бреговите на  реката Мура и познат по својата богата историја,архитектура и културно наследство.По пристигнувањето следува организиран разглед на градот со посета на најзначајните знаменитости: Кунстхаус Грац, современиот музеј на уметност кој претставува еден од симболите на градот, Шлосберг со познатата Саат кула и прекрасниот панорамски поглед кон стариот град, како и Муринсел, уникатна пловечкаплатформа на реката Мура.Продолжуваме со прошетка низ историското јадро на градот, кое се наоѓа на листата на светско културнонаследство на УНЕСКО, со можност за прекрасни фотографии и уживање во  австрискиот шарм.

Слободно време за индивидуални прошетки, ручек, кафе и шопинг во центарот на градот.Во попладневните часови враќање во хотелот. Вечера. Ноќевање.

Појадок.Факултативна полудневна екскурзија до Марибор, вториот по големина град во Словенија, сместен  на бреговите на реката Драва и познат по својата богата историја, винска традиција и прекрасно старо градско јадро.Организиран разглед со локален туристички водич кој започнува од Плоштадот на Генерал Мајстер, покрај Покраинскиот музеј сместен во Мариборскиот градски дворец, Фрањевачката црква, Плоштадот Леона и Штукља и Сломшковиот плоштад.Продолжуваме кон Катедралата Св. Јован Крстител, еден од најзначајните споменици во градот, како и кон Жидовската кула и Синагогата, сведоци на богатото културно наследство на Марибор.Разгледот го завршуваме кај Старата Лоза (Stara Trta) – најстарата винова лоза во светот, впишана во Гинисовата книга на рекорди и симбол на винската традиција на регионот Марибор – Похорје.Слободно време за индивидуални прошетки, кафе и уживање во атмосферата на градот. Враќање во хотелот. Попладне резервирано за релаксација и уживање во термалните базени, сауните и велнес содржините наТерме  Раденци. Вечера.Ноќевање.

Појадок. По појадокот слободно време за последно уживање во термалните базени, велнес и спа содржините на Терме Раденци. Напуштање на собите и подготовка за заминување.Во попладневните часови поаѓање кон Загреб. По пристигнувањето следува организиран разглед на главниот град на Хрватска со локален туристички водич.Прошетка низ историското јадро на градот и посета на најзначајните знаменитости: Плоштадот Бан Јелачиќ,пазарот Долац, Загрепската катедрала, Камена Врата, Плоштадот Свети Марко, Кулата Лотршчак и други знаменитости кои го прават Загреб еден од најатрактивните градови во регионот. Можност за прекрасни фотографии и запознавање со богатата историја и култура на градот.Слободно време за индивидуални прошетки, кафе и шопинг во центарот на Загреб. Во вечерните часови поаѓање кон Македонија.Ноќно возење.

Попатни паузи.Пристигнување во Македонија во претпладневните часови.