НОВА ГОДИНА ВО ИСТАНБУЛ 2 НОЌЕВАЊА

Состанок на групата пред деловните простории во 17.00 часот. Поаѓање за Турција. Патување преку граничниот премин МЕЏИТЛИЈА. Патување со попатни одмори преку Грција. Ноќно патување.

Пристигнување во Истанбул во утринските часови.
Факултативни посети на:

Валенсов аквадукт – монументален аквадукт од 4 век.
Балат – шармантна населба со шарени куќи и стари еврејски квартови. Железната црква „Свети Стефан“ – уникатна православна црква изградена целосно од железо. Цариградската Патријаршија – духовен центар на православната црква.

Потоа продолжуваме кон магичниот видиковец Пјер Лоти, едно од најромантичните места во Истанбул, каде ќе ја откриеме приказната за големата, но неостварена љубов на францускиот писател Пјер Лоти. До врвот пристигнуваме со жичара, уживајќи во прекрасната панорама што се открива пред нас.Таму нè очекува незаборавен поглед кон Златниот Рог – Халич, едно од најубавите места во градот. Ќе имаме можност да уживаме во автентична турска атмосфера, со традиционално турско кафе приготвено на жар, вкусно ѓозлеме, миризлив турски чај и освежителна лимонада. Место каде што се спојуваат историјата, романтиката и вистинскиот дух на Истанбул.

Следува панорамски разглед на градот со локален туристички водич: Аја Софија (Света Софија) – симбол на зачетоците на христијанството на овие простори (разглед однадвор). Хиподромот – центар на јавниот живот во Византија.Сината џамија (Султан Ахмет) – најпознатата џамија во Истанбул со шест минариња. Посета на Капали Чаршија – најголемиот покриен пазар во светот со повеќе од 3000 дуќани (накит, кожа, антиквитети, облека...).

За сите оние кои сакаат да ја дочекаат Новата година во посебна атмосфера, нудиме можност за факултативен новогодишен дочек по ваш избор!

*Свечена новогодишна вечера во ресторан – уживање во вкусно мени, жива музика, празнична атмосфера и незаборавна забава до раните утрински часови. *Новогодишен дочек на брод по Босфорот – доживејте ја магијата на Истанбул во новогодишната ноќ, со музика, забава и спектакуларен поглед кон блескавиот град и неговите величествени знаменитости.
Ноќевање.

*Деталите за цените, програмата и организацијата на факултативниот дочек ќе бидат објавени дополнително.

Изберете го вашиот начин на прослава и доживејте незаборавна новогодишна ноќ во магичниот Истанбул!

Појадок. Факултативно крстарење со брод по Босфорот со локален професионален водич, каде на еден поинаков начин ќе ги доживеете убавините и грандиозноста на овај жив музеј на два континенти и мостовите на Босфор, кои го поврзуваат европскиот и азискиот дел на градот.  По крстарењето, продолжуваме со панорамски разглед на европскиот и азискиот дел на Истанбул. Автобуската екскурзија овозможува уникатно искуство на преминување од Европа кон Азија преку еден од мостовите над Босфорот. Нашата следна станица е величествената Џамија Чамлиџа (Çamlıca Camii), најголемата џамија во Турција, сместена на највисокиот рид на азиската страна од Истанбул. Овој импресивен архитектонски комплекс ќе нè воодушеви со својата монументалност, раскошната внатрешност и прекрасните детали на традиционалната османлиска архитектура.
Од нејзиниот простран двор ќе уживаме во неверојатна панорама на Истанбул, каде што се спојуваат двата континента – Европа и Азија. Место кое плени со својата убавина, духовност и величественост, оставајќи незаборавен впечаток за магијата на Истанбул.Потоа се упатуваме кон живописната населба Кадикој на азиската страна – позната по своите тесни улички, бројни кафулиња, ресторани и продавници со автентичен турски дух и модерен европски шмек. Слободно време за прошетка, кафе и уживање во локалната атмосфера.
Враќање во хотел.

Во вечерните часови, слободно време за индивидуална прошетка и уживање во празничната, новогодишна атмосфера на Истанбул. Можност за факултативна посета и доживување на првата реприза на новогодишната ноќ, со незаборавна празнична атмосфера. Враќање во хотелот и ноќевање.

Појадок. По појадокот Посета на традиционална продавница за шопинг на слатки (локуми, баклави) и разновидни масти кои помагаат за повеќе болести.  Потоа се упатуваме кон Плоштад Таксим и авенијата Истиклал – најпознатата пешачка улица со продавници, ресторани и кафулиња, секогаш преполна со туристи. На крајот на авенијата се издига симболот на Истанбул – Галата кулата. Слободно време за лични активности.

Во пладневните часови поаѓање за Македонија.

Ноќно патување со попатни одмори преку Грција. Пристигнување во Битола во раните утрински часови.