БОЖИЌНА МАГИЈА ВО ЗАГРЕБ

Состанок на групата во 18:00 часот, со планирано поаѓање во 18:30 часот од пред Спортската сала во Битола.

Попатно собирање на патници од Прилеп, Велес, Росоман, Скопје и Куманово, доколку има пријавени патници.

Го започнуваме нашето празнично патување кон една од најубавите европски Advent дестинации. Патувањето продолжува преку Северна Македонија и Србија кон Хрватска, со попатни паузи за одмор и освежување.

Ноќно патување кон Загреб.

Точното место и време на поаѓање од секој град ќе бидат потврдени од агенцијата најдоцна два дена пред патувањето.

Пристигнување во Загреб во утринските часови. По пристигнувањето започнува нашата прошетка низ хрватската престолнина, град кој во декември се претвора во вистинска зимска бајка.

Во придружба на локален стручен водич ќе ги запознаеме најзначајните места во Загреб:

Плоштадот Бан Јелачич, срцето на градот и природната почетна точка за откривање на Загреб. Ќе продолжиме кон Долац, познатиот градски пазар, а потоа кон историскиот Горен град, каде се наоѓаат Камената порта, Црквата Св. Марко и Хрватското собрание. Ќе ги видиме и Загребската катедрала, Хрватскиот народен театар, дел од прекрасната Зелена потковица и други знаменитости на градот.

По разгледувањето – слободно време за индивидуално уживање, кафе, ручек и првите празнични фотографии.

Во попладневните часови сместување во хотел.

ВЕЧЕР НА ZAGREB ADVENT

Кога ќе се стемни, Загреб започнува да блеска. Ве очекува прошетка низ најубавите Advent локации, украсени со илјадници светилки и празнични декорации.

Божиќни куќички
Светлечки украси
Празнични подароци и сувенири
Греено вино и зимски специјалитети
Музика и празнична атмосфера

Време за слободно уживање во магијата на Zagreb Advent.

Враќање во хотел.

Ноќевање.

Факултативна екскурзија

По појадокот, за заинтересираните патници организираме факултативна посета на Националниот парк Плитвички Езера.

Патувањето нè води кон еден од најпрепознатливите природни феномени на Хрватска – свет на кристално чисти езера, каскадни водопади, шуми и дрвени патеки.

Во зимскиот период Плитвице добива посебна атмосфера. Тишината на природата, водопадите и зимскиот пејзаж создаваат прекрасна сценографија за незаборавна прошетка и фотографии.

По разгледувањето и слободното време во паркот, враќање кон Загреб.

УШТЕ ЕДНА ВЕЧЕР ВО ZAGREB ADVENT

По враќањето во Загреб следува слободна вечер.

Повторно имаме можност да уживаме во празничниот центар, да прошетаме низ Advent локациите, да вечераме во некој од рестораните или едноставно да се препуштиме на атмосферата на градот

Втора вечер во Zagreb Advent.

Ноќевање во Загреб

Појадок во хотелот.

10:00 ЧАСОТ – CHECK-OUT

По одјавувањето од хотелот, го напуштаме Загреб и се упатуваме кон Designer Outlet Croatia.

DESIGNER OUTLET CROATIA

Предвидени се околу 4 часа слободно време за шопинг.

Време за откривање на бројни познати брендови, outlet понуди, кафе, ручек и последните празнични набавки пред враќањето дома.

10:00 – 14:00 | SHOPPING TIME

SALAJLAND – ČAROLIJA SVJETLA

БОЖИЌНАТА МАГИЈА НА САЛАЈ

По шопингот продолжуваме кон Grabovnica кај Čazma, каде нè очекува една од најубавите божиќни светлосни атракции во Хрватска – Salajland – Čarolija Svjetla.

Влегуваме во свет исполнет со илјадници светилки, светлечки инсталации, божиќни фигури и празнични декорации.

Светилки кои го осветлуваат целото имање

Божиќни украси

Светлечки инсталации

Празнични фигури

Совршени места за фотографии

Атмосфера која потсетува на вистинска божиќна бајка

Посетата е планирана во попладневните часови, кога со паѓањето на мракот светлосната магија доаѓа до полн израз.

По посетата на Salajland, продолжуваме со патувањето кон Македонија.

Ноќно патување кон Битола, со попатни паузи за одмор, преку Србија.

Пристигнување во Битола во текот на ноќта / раните утрински часови.