БОЖИЌНА МАГИЈА ВО РОМАНИЈА

Состанок на групата во 18:00 часот, со планирано поаѓање во 18:30 часот од пред Спортската сала во Битола.

Попатно собирање на патници од Прилеп, Велес, Росоман, Скопје и Куманово, доколку има пријавени патници.

Патувањето продолжува преку граничниот премин Табановце, со попатни паузи и гранични формалности. По преминувањето на границата продолжуваме низ Србија кон Романија.

Ноќно патување.

Точното место и време на поаѓање од секој град ќе бидат потврдени од агенцијата најдоцна два дена пред патувањето.

ристигнување во Темишвар во утринските часови.

По пристигнувањето следува разглед на градот со локален водич. Темишвар е еден од најубавите историски градови во Романија, препознатлив по своите широки плоштади, елегантни палати и австро-унгарска архитектура, поради што често го нарекуваат „Мала Виена“.

Во текот на разгледот ќе ги посетиме најзначајните места во историскиот центар, меѓу кои:

Романската православна митрополитска катедрала, еден од симболите на градот, како и Piața Victoriei – Плоштадот на победата, Piața Libertății – Плоштадот на слободата и Piața Unirii – Плоштадот на обединувањето.

По разгледот следува слободно време за индивидуална прошетка, кафе, ручек, шопинг и фотографии.

Во попладневните часови сместување во хотел и време за одмор.

Во вечерните часови следува посета на Божиќниот базар во Темишвар, каде градот добива посебна празнична атмосфера со светилки, украсени плоштади, дрвени куќички, музика, традиционални специјалитети и топли празнични пијалаци.

Ноќевање во Темишвар.

Појадок.

Ден предвиден за факултативна целодневна екскурзија до Corvin Castle и Сибиу.

Прва станица е Corvin Castle, еден од највпечатливите средновековни замоци во Романија. Импозантните кули, камените ѕидини, мостот и готско-ренесансната архитектура создаваат уникатна атмосфера и го прават замокот една од најпознатите туристички атракции во земјата.

По посетата на замокот продолжуваме кон Сибиу, еден од најубавите градови во срцето на Трансилванија.

Главната атракција е Божиќниот базар на Piața Mare, каде во празничниот период плоштадот е исполнет со огромна елка, светилки, украсени дрвени куќички, празнични производи, слатки и традиционални специјалитети.

Слободно време за уживање во Божиќната атмосфера на Сибиу.

По договорено време продолжување назад кон Темишвар.

Ноќевање во Темишвар.

Појадок и одјавување од хотелот.

По појадокот следува можност за факултативна посета на Amazonia Aquapark & Spa, современ термален и wellness комплекс во Темишвар.

За оние кои ќе ја изберат факултативата е предвидено слободно време од околу 3–4 часа за уживање во базените, термалните и wellness содржините.

Патниците кои нема да ја изберат факултативата имаат слободно време во Темишвар за индивидуална прошетка, кафе, ручек или шопинг.

Во договорено време собирање на групата и поаѓање кон Македонија во пладневните часови.

Патувањето продолжува преку Србија, со попатни паузи и гранични формалности.

Пристигнување во Македонија во вечерните часови на 07.12.2026 или во раните утрински часови на 08.12.2026.