Нашата авантура започнува во вечерните часови со организирано поаѓање од Битола.

Со удобен туристички автобус патуваме кон Атина, со можност за приклучување на патници од повеќе градови низ Македонија.

Ноќно патување со попатни паузи.

Во утринските часови пристигнуваме во Атина и се качуваме на прекрасниот крузер Celestyal Discovery.

По сместувањето во кабините започнува нашето крстарење низ Егејот.

Првата станица е Миконос – островот на белите куќи, сините прозорци, ветерниците и незаборавните зајдисонца.

Прошетајте низ романтичните тесни улички, уживајте во локалните таверни и почувствувајте ја атмосферата која го направила Миконос една од најпознатите светски дестинации.

Во вечерните часови во 22.30 часот, продолжуваме кон Турција.

Утрото пристигнуваме во Кушадаси, живописен медитерански град на турскиот брег, познат по својата прекрасна марина, ориенталниот амбиент и богатата понуда на продавници, кафулиња и ресторани.

Слободно време за индивидуални прошетки или можност за факултативна екскурзија.

Во 12:30 часот враќање на бродот и испловување кон Патмос, островот познат како „Ерусалим на Егејот“, каде што според преданието Свети Јован Богослов го напишал Откровението.

Пристигнување на Патмос во 16:30 часот. Слободно време за прошетка низ живописното пристаниште Скала, традиционалните улички и автентичната грчка атмосфера.

Во 21:00 часот враќање на бродот и испловување кон Крит (Ираклион), каде што нè очекува ново незаборавно доживување следното утро.

Новото утро го започнуваме на најголемиот грчки остров – Крит.

Ираклион ќе ве пречека со богата историја, шармантни улици и медитерански дух.

По кратката прошетка повторно испловуваме кон најфотографираниот остров во светот – Санторини.

Белите куќи со сините куполи, спектакуларните карпи над морето и незаборавниот поглед кон калдерата создаваат една од најромантичните сцени во Европа.

Уживајте во секој момент и овековечете ги најубавите фотографии од вашето патување.

Во вечерните часови во 21:00 часот, продолжуваме кон Атина.

Во утринските часови крузерот пристигнува во пристаништето Пиреја, каде завршува нашето незаборавно крстарење по Егејот.

По напуштањето на бродот, следува панорамски разглед на Атина со лиценциран локален водич, кој е вклучен во цената на аранжманот.

За време на разгледот ќе ги видиме најзначајните знаменитости на грчката престолнина:

• Акропол (панорамски)
• Плоштад Синтагма
• Грчкиот парламент
• Панатинаико стадионот
• Храмот на Олимпискиот Зевс
• Националната библиотека и други познати знаменитости.

По завршувањето на разгледот, околу 14:30 часот, поаѓаме кон Македонија со попатни паузи. Пристигнување во вечерните часови, исполнети со прекрасни спомени од едно незаборавно крстарење.